Ministri i Punëve të Brendshme, Xhelal Sveçla ka thënë se institucionet e Kosovës po dëshmojnë priofesinalizëm në luftimin e veprimtarive kriminale, përfshirë edhe rrjetin e trafikimit ndërkombtar.
Ai kështu është shprehur pas arrestimimit të një shtetasi gjerman në Gjilan, të cilit i janë sekuestruar 43 armë të gjata automatike.
“Një operacion i suksesshëm Departamentit të Hetimeve të Policisë së Kosovës, në bashkëpunim me Prokurorinë Speciale, ka rezultuar me arrestimin e një shtetasi gjerman dhe sekuestrimin e 43 armëve të gjata automatike. Institucionet tona po dëshmojnë përkushtim dhe profesionalizëm në parandalimin dhe luftimin e çdo veprimtarie kriminale, përfshirë rrjetet e trafikimit ndërkombëtar, që cenojnë sigurinë e qytetarëve tanë, të vendit tonë dhe më gjerë. Sundimi i ligjit nuk ka kompromis. Do të vazhdojmë me vendosmëri në luftimin e krimit të organizuar dhe garantimin e sigurisë për të gjithë qytetarët”, ka shkruar Sveçla.
Me urdhër të Prokurorisë Speciale, hetuesit nga Policia e Kosovës, Drejtoria për Hetimin e Krimit të Organizuar dhe Krimeve të Rënda, kanë arrestuar një shtetas të Gjermanisë, L.S., nën dyshimin për përfshirje në veprimtari kriminale që lidhen me krimin e organizuar dhe trafikimin e kundërligjshëm të armëve.
Arrestohet një shtetas gjerman në Gjilan, i sekuestrohen 43 armë të gjata automatike
