Mesditën e së martës, u nisen për në shkollë.
Por, rrugën deri atje, fëmijët në rrugën “Nexhmi Llumnica” në Prishtinë, duhet ta bëjnë përmes bërllokut.
Kjo pasi në Kodrën e Trimave në Prishtinë, mbeturinat ka disa javë që nuk janë mbledhur.
Kësisoj, të martën kjo ishte pamja para çdo shtëpie në këtë rrugë.
“Na këtu jemi skaj botës, s’kemi kurgjo. Kurgjo s’kem. Mas pari mbeturinat që tri javë ditë se kanë hek.… Mundet me u shfaq edhe epidemi. Pampersa e sheh posht krejt nëpër rrug e kan shkepur qenë endacak e rrëzojn, tani me e mbledh, faqja e zezë”, u shpreh një banorë.
Kjo gjendje e krijuar, po i shtynë banorët të mendojnë edhe largimin nga kjo pjesë e Prishtinës.
“Që një muaj e gjysmë nuk e kan marr po e shihni edhe vetë. Nja 20 thasë i kam brenda në oborr me e vendos në rrugë krejt po e përhapin qentë. Qentë na mbyten. I kisha bo apel kryetari të Komunës me ndërmarr diçka përndryshe na veç me dal prej këtu”, ka thënë banori tjetër.
Por, bërlloku nuk është problemi i vetëm i banorëve të lagjes “Kodra e Trimave”.
Këtu, mungon edhe ndriçimi publik.
“Që pesë javë, ndriqim rruge jemi. Nuk i intereson kujna… Prej qenve endacak sikur u kon ora policore, me dal prej dere nuk guxon. Një grua ka qenë në shitore me marr diçka, ka bërtit, janë dal kojshit e kanë shpëtu nga qent endacak”, theksoj tutje banori..
“Për nja dhjetë herë i kom thonë edhe jom shku nja dy-tre herë në Komunë kanë thonë ‘Po, po kqyrim. Ju marrim parasysh’. Kur nuk janë dal me na ngjit.Knej posht ka pas deri vonë ten a kur s’ka pas 35 shtëpia., kurr ndriqim nuk kemi pas”, tha tutje poashtu banori tjetër.
Problemet me grumbullimin e mbeturinave në këtë lagje, i kanë pranuar të martën edhe në Kompaninë Rajonale të Mbeturinave “Pastrimi”.
“Gjatë javëve të fundit, KRM “Pastrimi” është përballur me vështirësi të theksuara të natyrës teknike dhe operative, si pasojë e defekteve të paraqitura në një pjesë të automjeteve për grumbullimin dhe transportimin e mbeturinave. Këto rrethana kanë ndikuar drejtpërdrejt në kapacitetet tona operacionale, duke krijuar vështirësi në respektimin e dinamikës së zakonshme të shërbimit në disa zona të kryeqytetit”, kanë thënë nga Kompaninë Rajonale të Mbeturinave “Pastrimi”.
Për problemin e mbeturinave, të martën dolën në konferencë të jashtëzakonshme për media edhe në Komunën e Prishtinës.
Nënkryetarja, Besianë Musmurati, fajin e hodhi tek Ministria e Financave.
“Kapacitetet e Kompanisë Rajonale Pastrimi për mbledhjen e mbeturinave janë tejet të limituara.. Do të tregoj për pritjen trivjeçare të kompanisë për blerjen e 100 kamionëve të rinj, 10 mijë kontejnerëve dhe përmes një kredie prej 74 milionë eurove nga Banka Zhvillimore Gjermane që nuk po e nënshkruan Hekuran Murati”, u shpreh Musmurati.
E derisa niveli qendror dhe ai lokal, të merren vesh rreth këtij problemi, banorët e lagjes “Kodra e Trimave” duhet të jetojnë mes mbeturinave.
Në rast se nuk zgjidhet kjo situatë, banorët kanë paralajmëruar edhe protesta.
