Danimarka do t’i ofrojë Ukrainës një paketë të re ndihme ushtarake me vlerë 4.8 miliardë krona (760 milionë dollarë), tha të martën Ministri i Jashtëm Lars Lokke Rasmussen, raportoi transmetuesi publik DR.
Rasmussen njoftoi paketën e 32-të të ndihmës ushtarake daneze pas konsultimit me Komitetin e Politikës së Jashtme të parlamentit.
Danimarka do të ofrojë gjithashtu 150 milionë korona shtesë (24 milionë dollarë) për të mbështetur sektorin energjetik të Ukrainës, tha ai.
“Njerëzit tashmë po ngrijnë nga të ftohtit në Ukrainë. Ka ndërprerje të energjisë elektrike në një nivel që nuk e kemi parë që nga fillimi i luftës”, tha Rasmussen.
Ai tha se njoftimet kishin për qëllim të tregonin mbështetjen e vazhdueshme të Danimarkës për Kievin, duke iu referuar vizitës së Presidentit ukrainas Volodymyr Zelenskyy në Danimarkë.
