Një person ka humbur jetën të enjten në Drenas, në rrethana që ende nuk janë bërë të ditura dhe të cilat po hetohen nga organet kompetente.
Sipas raportit 24-orësh të Policisë së Kosovës, rasti është raportuar fillimisht si alivanosje e një personi të gjinisë mashkullore.
Pas marrjes së informatës, në vendin e ngjarjes kanë dalë njësitet policore dhe ekipi mjekësor, ku është konstatuar vdekja e viktimës.
“Është raportuar se viktima mashkull kosovar është alivanosur. Njësitet relevante dhe ekipi mjekësor kanë dalë në vendin e ngjarjes ku është konstatuar vdekja e viktimës”, thuhet në raportin e Policisë.
Me urdhër të prokurorit, trupi i pajetë është dërguar në Institutin e Mjekësisë Ligjore (IML) për obduksion, me qëllim të përcaktimit të shkakut të vdekjes.
Policia ka bërë të ditur se rasti është iniciuar si “Hetim mbi vdekjen”.
