Zëdhënësi i Qeverisë së Kosovës, Arlind Manxhuka, ka deklaruar se që nga ardhja në pushtet e qeverisë aktuale, në territorin e Republikës së Kosovës nuk janë mbajtur më zgjedhje apo referendume të Serbisë.
Përmes një postimi në Facrbook, Manxhuka ka theksuar se para qeverisjes së tyre, në Kosovë janë mbajtur gjithsej 31 palë zgjedhje të Serbisë dhe tri referendume, prej të cilave tetë palë zgjedhje janë organizuar pas shpalljes së pavarësisë së Kosovës.
“Që nga qeverisja jonë nuk janë mbajtur as zgjedhjet e Serbisë në territorin e Republikës dhe as referendumet. Nuk u mbajtën as ato të së dielës së 25 tetorit”, ka shkruar Manxhuka, duke iu referuar deklarimit të kryeministrit Albin Kurti.
