Kryeministri i Kosovës, Albin Kurti ka folur për vrasjen tragjike të 49-vjeçares Arlinda Zekaj, gjatë mbledhjes së Këshillit të Përgjithshëm të Lëvizjes Vetëvendosje.
Kurti ka thënë se rasti i Arlindës dëshmon dështimet institucionale në mbrojtjen e grave që përjetojnë dhunë, duke theksuar se ajo kishte ndjekur rrugët ligjore dhe kishte paralajmëruar institucionet se jeta e saj ishte në rrezik.
“Një grua mund të ndjek të gjitha rrugët që e parasheh ligji, të denoncojë dhunën, të kërkojë mbrojtje, madje edhe paralajmërim me shkrim se i rrezikohet jeta dhe prapë të përfundojë e vrarë, Arlinda e bëri atë që institucionet u kërkojnë grave kur përballen me dhunë, e ritheksoi që do të angazhohemi deri në fund që secili zyrtar përgjegjës që nuk e ka kryer detyrën të jap përgjegjësi jo vetëm disiplinore por edhe penale, secili përgjegjës dhe secila përgjegjësi e secilës hallkë duhet të hetohet, kushdo që ka neglizhuar punën apo ka bërë shkelje të detyrimeve ligjore duhet të jap përgjegjësi e duhet të përballet me masa disiplinore dhe penale, vrasja e Arlindës nga përballi edhe me një problem më të thellë shoqërorë, me një mendësi patriarkale e cila ende e konsideron gruan si pronë apo objekt me të cilën burri mund të ushtrojë pushtet e forcë, që pavarësinë e saj e sheh si mosbindje dhe vendimin për t’u larguar nga një marrëdhënie si cenim të autoritetit mashkullor”, ka deklaruar Kurti.
Ai ka kërkuar që të hetohet përgjegjësia e secilës hallkë institucionale dhe që zyrtarët që kanë neglizhuar detyrat apo kanë shkelur obligimet ligjore të përballen edhe me përgjegjësi penale./teve1.info/
