Akil Gjakova e ka nisur me fitore Grand Slamin e Xhudos në Abu Dabi.
Në xhiron e dytë të kategorisë deri 73 kilogramë, Gjakova e mposhti xhudistin nga Izraeli, Ohad Moritz. Ndaj tij fitoi me “Ippon”, përkatësisht me hedhje efikase.
Tani Akil Gjakova përballet me bartësin e parë, nënkampionin botëror, Makhmadbek Makhmadbekov.
Ai është nga Rusia, kurse garon për Emiratet e Bashkuara Arabe.
Ndërkohë Dardan Cena u ndal në luftën e parë. Ai humbi nga Karim Abdulaev i Emirateve të Bashkuara Arabe.
Sot garon edhe Laura Fazliu.
