Zëvendëspresidenti i Shteteve të Bashkuara, JD Vance, i ka dërguar një letër shefit të sigurisë së Iranit, Mohsen Rezaei, në një përpjekje të fundit për të rinisur bisedimet e paqes, sipas raportimeve të mediave amerikane.
Letra, e cila thuhet se është “pritur mirë” nga Irani, synonte të vlerësonte nëse SHBA-ja dhe Irani mund t’i ngushtonin dallimet e tyre mjaftueshëm për të shmangur një raund të ri të mundshëm sulmesh amerikane ndaj Iranit, raportoi Wall Street Journal.
Sipas Journal , ky njoftim vjen ndërsa Trump paralajmëron aleatët e Gjirit të SHBA-së që të përgatiten për një fushatë të shkurtër dhe me intensitet të lartë ushtarake pas zgjedhjeve të mesmandatit të javës së ardhshme në SHBA .
Trump më parë tha se SHBA-të mund të “bëjnë një tjetër Tërbim Epik”, duke iu referuar operacionit ushtarak kundër Iranit që filloi në shkurt.
Gazeta Times raportoi se letra iu dorëzua Rezaeit nga ndërmjetësuesit e Katarit të dielën. Vance bëri thirrje për bisedime të drejtpërdrejta dhe tha se programi bërthamor i Iranit do të duhej të ishte në tryezë që nga fillimi, sipas zyrtarëve amerikanë dhe iranianë të cituar nga media.
Nëse Irani pranon, negociatat mund të zhvillohen që javën e ardhshme, thanë zyrtarët, duke përmendur Katarin ose Turqinë si vende të mundshme.
Sipas gazetës Times, Rezaei pritet t’i përgjigjet zyrtarisht letrës së Vance të enjten.
