Përfaqësues të institucioneve fetare nga Kosova, Shqipëria e Maqedonia e Veriut u mblodhën në Fakultetit e Shkencave Islame në Prishtinë.
Në hapësirat e këtij fakulteti paraditen së mërkurës u bë hapja e Konferencës Ndërkombëtar, Shkencore, “Medresetë te shqiptarët – histori, trashëgimi, kontribut”.
E arsyet e përzgjedhjes së kësaj temë si pjesë e konferencës i dha drejtori i Institutit për Studime dhe Hulumtime Islam, Sabri Bajgora.
“Këto medrese ishin pikënisja e formimit intelektual, fetar dhe kombëtar të elitës shqiptare nëpër kohë. Prandaj edhe nuk është e rastësishme që nga gjitha këto medrese dolën njerëz të spikatur të cilët ditën ta mbrojnë edhe fjalën e Allahut, e ditën të ngrisin zërin edhe për mbrojtjen e atëdhut”, ka thënë Bajgora.
Për historikun e medreseve në trojet shqiptare dhe rëndësinë e tyre, foli edhe kryeministri, Albin Kurti.
“Duke i paraqitur studimet e juaja për historinë dhe trashëgiminë e medreseve , ju sot po e restauroni dhe rikuperoni, një kulturë dhe një traditë të veçantë të shkollave fetare duke i shkenceruar ato dhe duke iu dhënë vendin e miratuar në vendi tonë”, tha kryeministri i vendit, Albin Kurti.
E nga Shqipëria këtu kishte ardhur edhe kryetari i komunitetit mysliman të Shqipërisë.
“Kur flasim për medresetë ne nuk flasim për institucionet në të cilat është zhvilluar mësimi fetar, flasim për histori njerëzish, për përpjekje të vazhdueshme për të ruajtur dhe përcjellë dije…dhe një traditë që ka lënë gjurmë në jetë e shumë brezave shqiptarë”, u shpreh Spahiu.
Të pranishmëve iu drejtua edhe përfaqësuesi i Bashkësisë Fetare Islame të Maqedonisë së Veriu, Shaqir Fetahu.
“Medresetë në trojet shqiptare janë pjesë e rëndësishme e historisë e arsimit fetar, e zhvillimit kulturor dhe e formimit të jetës shpirtërore të komuniteteve tona dhe kombit tonë”, tha Fetahu.
Medresetë gjatë luftës së fundit në Kosovë ishin edhe cak i pushtuesit serbe. Sipas kryetarit të Bashkësisë Islame të Kosovës, mbi 200 xhami e shumë medrese u dogjën e shkatërruan në vitet 1998-1999.
“Rrënimi i medreseve synonte ndërprerjen e vazhdimësisë së dijes, sa djegia e arkivave kjo dhe zhdukjen e gjurmëve të vetëdijes sonë historike. Shkatërrimi i këtyre institucioneve shekullore përbën të një goditje të rëndë ndaj trashëgimisë sonë arsimore, fetare dhe kombëtare, duke cenuar themelet e identitetit dhe vazhdimësisë historike e shpirtërore të popullit tonë”, u shpreh Tërnava.
Konferenca mbahet të mërkurën dhe të enjten në gjithsej katër seanca pune, në të cilën 61 studiues do të prezantojnë kumtesat e tyre.
