Drejtori i Inspekcionit, Florian Dushi thotë se për largimin e tyre, shitësit ishin të informuar tash e ca ditë.
“Janë lajmëru për një periudhë më tepër se dy javore, është kërkuar nga të njëjtit që të sistemohen brenda hapësirave zyrtare të dy tregjeve, fjala është për tregun e gjelbër këtu në qendër të Prishtinës dhe atë në Ulpianë”, tha ai.
Pavarësisht se tezgat i larguan, me këtë vendim nuk janë të kënaqur shitësit.
“Na s’kem as ku punojmë tash, n’treg është vendi katastrofë, çka të kqyrsh është ma zi se që u kanë. Tash nuk kem as ku punojmë, s’di”, thotë njëri nga shitësit.
Kurse, një tjetër shitës kërkon që t’iu sigurohet një vend ku do të munden t’i vendosin tezgat.
“Unë veç ni sen nuk e kam të qartë. Gjithë verën kena punu, kur u duht me marrë ni dinar, u ardhë e na ka hjek prej ktuhit pa na e siguru venin. Le t’na siguron venin s’ka problem, na s’jena kundër. Niher thanë po e bijmë te AKP-ja, tash thanë shkoni kah të doni, qysh kshtu?”, tha ai
Komuna e Prishtinës synon themelimin e ndërmarrjes së re ‘’Tregu’’ e cila do të menaxhojë me tregjet që ndodhen në Prishtinë.
Kronika e realizuar nga gazetarja Albiona Hajdari.