Në një lidhje direkte në “Ditari” në Tëvë 1, Dollenberg theksoi se kjo po tejkalohet më lehtë nga pacientët për shkak të imunizimit nga vaksinimi anti-COVID’19.
“Po ecuria e pandemisë ka qenë e thënë që në fillim se do të ketë herë pas here variante të reja por që COVID-19 të mëtojë kaq shpejtë nuk ka qenë e parashikuar edhe nga epidemiologët kjo është arsyeja që japim shenja të alarmit dhe e para është ajo që bën paralajmërim të shteteve të jenë të kujdesshme sepse qoftë Omicroni dhe rastet e shtuara të gjitha këto valë që kemi kaluar herë pas here na kanë vën frikën dhe panikun por kemi vën re nga valë në tjetrën të këtyre varianteve një dobësim të agresivitetit klinik të tyre kjo në radhë të parë i falënderojmë se është në sajë të vaksinimit”, shtoi ajo.
Sipas saj arsyeja pse shtetet nuk po vendosin kufizime edhe pas rritjes së numrave është se simptomat tashmë janë më të lehta dhe pacientët nuk kanë nevojë për tretman mjekësor.
“Po kjo është arsyeja sepse hospitalizimi për sa raste shkojnë në spitale dhe sa vdesin në spitale janë indikatorët kryesorë i vështirësisë që kemi për menaxhimin e pandemisë dhe për sa kohë që rastet vazhdojnë të jenë të lehtë dhe simptomatike. Pra pacientët e vaksinuar nuk e ndjejnë Covidin edhe pse dalin pozitiv si pasojë edhe të simptomave mesatarisht të ngjashme. Kjo është arsyeja që këta pacientët janë më se të menaxhueshëm në kushte shtëpiake me terapi simptomatike duke mos i rënduar fare xhepit të spitaleve dhe si rrjedhim nuk ka arsye se shtetet evropiane të shkojnë drejt kufizimeve”, tha ajo.
Tutje, Dollenberg tregon edhe kohën optimale se kur mund të përfundojë pandemia COVID-19.
“Të gjithë këto na tregojnë që jemi duke shkuar ashtu siç e parashikuam drejt endemisë që si duket do të hyjë në vjeshtën e këtij viti, sidomos nëse do të jepet me hapjen e shkollave dhe administratës doza e katërt e vaksinës”, tha ajo.
- Endemi është term që përdoret për sëmundje e cila shfaqet rregullisht në rajone të caktuara.
- Për epidemi flitet atëherë, kur një sëmundje shfaqet në mënyrë të pazakontë e të shpeshtuar në një rajon, në një kohë të caktuar.
- Ndërsa, kur një sëmundje përhapet përtej vendeve a kontinenteve përcaktohet si pandemi.
/teve1.info/.