Profesori Dashamir Bërxulli ka thënë se kërkesa për kthimin në Kuvend të Ligjit për Specialen, ka ardhur nga Haga e jo nga PDK.
Bërxulli kështu është shprehur pas kthimin në Kuvend që i ka bërë presidentja Shiroka-Pula, Ligjit për Dhomat e Specializuara pas kërkesës së PDK-së.
“Është çështje që vjen nga Haga, nuk vjen nga PDK. Nuk vjen kjo nga rrethet e brendshme. Janë disa procese që në kuptimin e kohës dhe procesit ndryshojnë”, ka thënë ai.
Bërxulli ka thënë se nuk asgjë te keqe nëse ligji kthehet e plotësohet.
Por, ai ka thënë se kjo çështje nuk duhet të bëhet pjesë e politikës ditore, por të ketë unitet.
Presidentja, Shiroka-Pula pas kërkesës së PDK-së ka rikthyer në Kuvend për rishqyrtim Ligjin për Specialen.
Për këtë veprim ka pas reagim të ashpër nga deputeti i Aleancës, Ramush Haradinaj i cili këtë e vlerësoi si turp të madh dhe goditje për Kosovën.
Kryetari i LDK-së, Lumir Abdixhiku ka thënë se LDK qëndrojë parimore duke mos e votuar.
Ish-deputeti i PDK-së, Bekim Haxhiu ka kërkuar dorëheqjen e kryesisë së PDK-së pas këtij vendimi.
