Policia e Kosovës është duke zhvilluar një operacion policor në disa lokacione në veri të vendit, në kuadër të luftimit të kontrabandës me mallra.
Lajmi është bërë i ditur nga Drejtoria Rajonale e Policisë në Mitrovicë të Veriut, përmes një njoftimi për media.
Sipas policisë, operacioni po zhvillohet në bashkëpunim me Doganën e Kosovës, Administratën Tatimore të Kosovës (ATK) dhe institucionet e tjera relevante.
Policia ka bërë të ditur se detaje të tjera lidhur me operacionin do të publikohen gjatë ditës.
“Për detaje të tjera lidhur me operacionin, opinioni publik do të informohet me kohë gjatë ditës”, thuhet në njoftimin e Policisë së Kosovës.
Deri më tani, në njoftimin zyrtar nuk janë dhënë detaje shtesë lidhur me lokacionet konkrete ku po zhvillohet aksioni apo rezultatet e operacionit.
