Kryenegociatori i Kosovës me Bashkimin Evropian, Jeton Zulfaj, ka deklaruar se Kosova ka bërë progres të jashtëzakonshëm në vitet e fundit dhe se është koha që ky progres të përkthehet në hapa konkretë drejt anëtarësimit në Bashkimin Evropian, duke filluar me marrjen e statusit të vendit kandidat dhe hapjen e negociatave për anëtarësim.
Ai në një postim në Facebook ku ka njoftuar për takimet që ka zhvilluar javën e kaluar në Luksemburg e Bruksel, ka thënë se nëse procesi do të bazohej në merita, Kosova do të ishte ndër vendet që do t’i printe procesit të integrimit.
Kosova ka bërë progres të jashtëzakonshëm në vitet e fundit dhe pozicioni ynë aktual në procesin e integrimit në Bashkimin Evropian, nuk e reflekton këtë progres. Ky pozicion është rezultat i mungesës së unitetit, brenda vetë BE-së. Nëse procesi do të bazohej në merita dhe rezultatet e arritura, Kosova sot do të ishte në mesin e vendeve që i prijnë këtij procesi. Për progresin demokratik, rritjen ekonomike, promovimin e vlerave të BE-së, Kosova meriton statusin kandidat dhe hapjen e negociatave për anëtarësim”, ka thënë ai.
Kosova ka aplikuar për të marrë statusin e vendit kandidat në BE në dhjetor të vitit 2022, gjatë presidecës çeke.
Deri më tash ky aplikim nuk është shqyrtuar.
Kryeministri Kurti, por edhe zyrtarë tjerë të Qeverisë së Kosovës vazhdimin ka përsëritur qëndrimet se Kosova meriton hapjen e negociatave për anëtarësim në BE.
