Meta tha se me ta ka biseduar për potencialin e jashtëzakonshëm për siç thotë ai që ekziston për forcimin e mëtejshëm të marrëdhënieve strategjike mes dy vendeve tona.
“Takim vëllazëror në Prishtinë me Nënkryetarin e Lidhjes Demokratike të Kosovës, Gazmend Muhaxheri dhe drejtues të lartë të kësaj partie, me të cilët biseduam hapur dhe ngrohtësisht për potencialin e jashtëzakonshëm që ekziston për forcimin e mëtejshëm të marrëdhënieve strategjike mes dy vendeve tona”, ka shkruar Meta në një postim në Facebook.
Meta vlerësoi lartë rolin e LDK-së në të gjitha proceset shtetformuese të udhëhequr nga vizioni dhe trashëgimia e Rugovës.
“Shpreha vlerësimet më të larta për rolin e pazëvendësueshëm të LDK-së në të gjitha proceset shtetformuese, ndërtimin dhe forcimin e institucioneve, shtetit ligjor dhe demokracisë në Kosovë, udhëhequr gjithmonë nga vizioni dhe trashëgimia e vyer e Presidentit historik, Ibrahim Rugova”, ka thënë ai. /teve1.info/
