Prokuroria Themelore në Gjakovë ka kërkuar caktimin e masës së paraburgimit prej 30 ditësh ndaj të dyshuarit me inicialet Ç.Zh., i cili dyshohet për grabitjen e rreth 8 mijë eurove në një biznes në Gjakovë.
Sipas njoftimit të Prokurorisë, rasti dyshohet se ka ndodhur më 10 tetor 2026, rreth orës 15:00, në rrugën “Anton Çeta”, në lokacionin e njohur si “R.M.T.”.
I dyshuari, sipas kërkesës së prokurorisë, dyshohet se i maskuar dhe nën kërcënimin e thikës, ka kërcënuar një punonjëse dhe më pas ka marrë rreth 8 mijë euro nga dollapi ku mbaheshin paratë.
Prokuroria bëri të ditur se i dyshuari kishte qenë në arrati, ndërsa është arrestuar më 15 tetor 2026.
Me vendim të prokurorit të shtetit, ai është ndaluar për 48 orë.
Ndaj tij është marrë aktvendim për fillimin e hetimeve, ndërsa kërkesa për caktimin e paraburgimit i është paraqitur Gjykatës Themelore në Gjakovë./teve1.info/
