Dy protestues dhe tre efektivë të Policisë po marrin aktualisht trajtim mjekësor në Spitalin Universitar të Traumës, pas incidenteve gjatë protestës së sotme në Tiranë.
Ministria e Shëndetësisë dhe Mirëqenies Sociale informoi, në përditësimin e orës 20:05, se të pestë personat janë koshientë dhe paraqiten me gjendje shëndetësore stabël.
Ndërkohë, në Qendrën Spitalore Universitare “Nënë Tereza” nuk ka aktualisht persona të lënduar të paraqitur për trajtim, raportojnë mediat në Shqipëri.
Protesta në kryeqytet është shoqëruar me tensione dhe përplasje, ndërsa autoritetet vijojnë të monitorojnë situatën.
