Deputeti i Partisë Demokratike në Shqipëri, Flamur Noka ka thënë se protesta e nisur nga studentët do të sjellë fundin e Edi Ramës në pushtet.
Ai duke folur për dhunën që u përdorë mbrëmë ndaj studentëve ka thënë se kjo është bërë më urdhër të Ramës, që sipas tij po synon ta mbajë pushtetin me dhunë.
Noka në emisionin “Mesditë” në Tëvë1, ka thënë pakënaqësia e qytetarëve në Shqipëri kundër Ramës është rritur dhe këtë e tregojnë protestat qytetare që po mbahen më shumë së 100 ditë më radhë dhe këto të studentëve.
“Në Shqipëri është instaluar narko-shteti. Shqipëria në narko-shtetin e Edi Ramës është shndërruar në një autokraci moderne, është duke u shpopulluar në një masë që nuk ka ndodhur kurrë më parë. Studentët kërkojnë të drejtat e tyre, ata trajtohen si skllevër. Rama mendon se mund ta mbajë pushtetin me dhunë, por llogaritë i ka bërë gabim. Kjo tregon që Edi Rama e ndien fundin e tij. Nga terrori dhe paniku që e ka kapluar ka urdhërua dhunë dhe terror. Kjo tregon që ora e Edi Ramës është drejt fundit”, ka thënë Noka.
Protestat e nisura nga studentët duke kërkuar kushtet më të mira e mirëqenie ekonomike kanë eskaluar mbrëmë.
Studentët po protestojnë edhe sot para Ministrisë së Arsimit.
Ministria e Shëndetësisë dhe Mirëqenies Sociale ka publikuar bilancin e personave që kanë marrë ndihmë mjekësore gjatë protestës së zhvilluar këtë të martë në Tiranë, e cila u shoqërua me përplasje dhe përdorim të gazit lotsjellës.
Sipas njoftimit zyrtar, në total 13 persona janë paraqitur për ndihmë mjekësore në Qendrën Spitalore Universitare “Nënë Tereza” (QSUT) dhe në Spitalin Universitar të Traumës.
Mes tyre janë protestues, përfaqësues të medias, efektivë policie dhe kalimtarë.
