Presidenti i SHBA-së, Donald Trump, thotë se rebelët Huthi, të cilët kontrollojnë pjesë të mëdha të Jemenit, po “sillen shumë keq”, ndërsa pasojat e luftës SHBA-Izrael kundër Iranit po përhapen në Lindjen e Mesme më të gjerë.
Trump u tha gazetarëve se “mund” t’i kërkojë Presidentit turk, Tayyip Erdogan, të ndërhyjë dhe të mbështesë interesat saudite. “Mendoj se Presidenti Erdogan do të bënte siç i kërkoj unë”, tha ai, citon Al Jazeera.
Kohët e fundit, Turqia premtoi ndihmë ushtarake për Riadin si pjesë e paktit të tyre të mbrojtjes me Arabinë Saudite dhe Pakistanin.
Lidhur me ngërçin me Teheranin, Trump tha se SHBA-të “do të marrin një vendim për Iranin së shpejti”.
Presidenti amerikan tha gjithashtu se zhvilloi bisedime me Princin e Kurorës Saudite Mohammed bin Salman (MBS).
Huthët nisën sulme në Aeroportin Ndërkombëtar “Mbreti Khalid” të Riadit ditët e fundit, duke vrarë të paktën 18 persona, duke plagosur qindra të tjerë dhe duke e detyruar aeroportin të pezullojë operacionet.
