Ahmeti, gjithashtu pretendoi se gjatë këtij intervenimi, Policia e Kosovës ka bërë shkelje.
Mirëpo, sipas tij shkelja më e rëndë ishte momenti i ndaljes së kamerave për rreth 55 minuta.
“Policia e Kosovës ka zhvilluar një aksion kontrolli në Zyret e Ndërmarrjes Publike banesore me urdhër të gjykatës, deri këtu gjithçka është në rregull. Mirëpo, problemi fillon ku kuptohet që kjo është një ndjekje politike në momentin kur fillojmë t’i shohim shkeljet që i ka bërë Policia e Kosovës gjatë këtij intervenimi. Pasi policia u ka kërkuar zyrtarëve disa dokumente, ata kanë filluar të shkojnë në katet e tjera pa përcjelljen e zyrtarit të NPB-së. Përveç kësaj shkelje, ende më e rëndë është fakti që këta për 55 minuta i ndalin kamerat e sigurisë.”, tha Ahmeti në emisionin ‘Ditari”.
Ndërkaq, Ahmeti shtoi se këtë çështje do e ngrisin edhe në Gjykata, pasi siç tha ai, nuk ka ndonjë mënyrë tjetër ta kuptojnë në qoftë se Policia e Kosovës, gjatë bastisjes nuk ka vendosur diçka në zyrat e NPB-së.