Kamberi ka thënë se ky libër trajton marrëdhëniet mes Kosovës dhe Serbisë e që sipas tij, flitet më shumë edhe për bashkëpunimin rajonal në përgjithësi.
“Në veçanti trajton marrëdhëniet mes Kosovës dhe Serbi dhe shqiptarëve dhe serbëve në përgjithësi. Por ideja është që të flitet më shumë edhe për bashkëpunimin rajonal në përgjithësi”, ka deklaruar ai në emisionin “Info Nata” në Tëvë1.
Ai thotë se e kanë parë të arsyeshme që në libër të paraqesin një narracion i cili është tjetër nga ai i cili dominon në Serbi e Kosovë dhe në rajon përgjithësi.
“Në këtë drejtim që e kemi parë të arsyeshme ta bëjmë me homologët dhe partnerët tanë nga instituti për filozofi dhe teori shoqërore të universitetit të Beogradit është që ta paraqesim një narracion i cili është tjetër nga ai i cili dominon në Serbi dhe Kosovë dhe në rajon në përgjithësi”, tha Kamberi.
Sipas tij, në libër është ngritur çështja e bashkëpunimit rajonal dhe veçanërisht paqes në Ballkan.
“Narracion i cili edhe ndonëse ka bashkëpunim rajonal shihet shumë për nga perspektiva e tensioneve dhe nganjëherë kjo krijon njëfarë përshtypje që bashkëpunimi rajonal nuk është i dobishëm. Ajo që kemi dashur që ta ngrisim si çështje që çështja e bashkëpunimit rajonal dhe veçanërisht paqes në Ballkan është në interes të shoqërive dhe rajonit”, theksoi Kamberi. /teve1.info/
