Ekipet e Njësisë së Zjarrfikësve në Gjakovë kanë intervenuar sot në fshatin Koshare, konkretisht në zonën e njohur si “Rrasat e Koshares”, pas raportimit për një zjarr në terren malor.
Sipas njoftimit të zjarrfikësve, ndërhyrja është realizuar përkundër terrenit të vështirë dhe kushteve jo të lehta për intervenim.
“Ekipet e Njësisë së Zjarrfikësve intervenuan sot në Koshare, konkretisht në zonën e njohur si Rrasat e Koshares, pas raportimit për zjarr në terren malor. Pavarësisht terrenit të vështirë dhe kushteve të intervenimit, ekipet vepruan me përkushtim dhe profesionalizëm, duke përfunduar me sukses ndërhyrjen”, thuhet në njoftim./teve1.info/
