Nrecaj deklaron se edhe vetë veteranët kanë qenë pjesë e procesit të verifikimit të listave dhe nuk e kanë ngritur zërin, por thotë se kanë heshtur
“Sado që është faj i qeverive të kaluara, po aq i madh është faji i Qeverisë aktuale edhe i veteranëve të Ushtrisë Çlirimtare të Kosovës sepse edhe ata kanë qenë pjesë e atyre verifikimit të listave dhe që atëherë nuk kanë ngritur zërin, kanë heshtur në bazën e asaj që po ndiejmë një vetëkënaqësi sepse më në fund e kemi një ligj edhe pse i vonshëm i cili i mbron vlerat e njerëzve të cilët kanë luftar e ushtarëve të Ushtrisë Çlirimtare të Kosovës”, tha ai.
Në emisionin “Ditari” në Tëvë1, Nrecaj tha se Komisionin vlerësues duhet të përgjigjet penalisht për listat e “fryra” pasi që sipas tij kanë bërë keqpërdorim të detyrës zyrtare.
“Komisioni vlerësues duhet të përgjigjet ligjërisht sepse e kanë keqpërdorë detyrën zyrtare dhe autorizimet të cilat ua ka dhënë ligji dhe natyrisht edhe ata pjesëtarë të cilët janë anëtarë të këtij komisioni, ndaj tyre është dashur që të nisen hetimet dhe pjesë e atij komisioni pikërisht kanë qenë edhe përfaqësuesit e veteranëve të UÇK-së”, deklaroi Recaj./Teve1.info/
