Në një konferencë për media Gexha-Bunjaku ka thënë se ky vendim është marrë në mbledhjen konstituive të Bordit Drejtues të Fondit për Sigurime Shëndetësore.
Sipas saj, si ushtrues detyre të drejtorit të Fondit për Sigurime Shëndetësore është zgjedhur Bujar Kaquri.
“Sot është mbajtur mbledhja konstituive e bordit për Fondin e Sigurimeve Shëndetësorële. Në këtë mbledhje është zgjedhur kryesuesja, përfaqësuesja e MSH-së dhe zëvendëskryesuesi, përfaqësues nga MFT-ja.Me shumicë votash është vendosur të suspendohet apo largim i përkohshëm i drejtorit të Fondit për Sigurime Shëndetësore, Fatmir Plakiqi. Po ashtu në këtë mbledhje me shumicë votash është numëruar si ushtrues i detyrës së drejtorit të Fondit për Sigurime Shëndetësore, Bujar Kaquri”, ka deklaruar Gexha-Bunjaku.
Ajo thotë se situata paradoksale që nga viti 2015 lidhur me sigurimet shëndetësore dhe të Fondit, do të korrigjohet së shpejti.
“Situata paradoksale nga viti 2015 lidhur me sigurimet shëndetësorë dhe këtij Fondit, do të korrigjohet së shpejti. Nga krahu tjetër po ashtu paradoksalisht në mungesë të punës kryesore… fondit nga qeveritë të kaluara i është dhënë në kompetencë hyrja në funksionin siç është trajtimi i rasteve jashtë institucioneve shëndetësore publike, qoftë brenda vendit apo edhe jashtë vendit. Jemi në dijeni për shumë probleme dhe të gjitha do të adresohen”, ka thënë Gexha-Bunjaku.
Gexha-Bunjaku deklaroi se kushdo që ka nevojë për trajtim jashtë institucioneve të Kosovës do ta marrë atë shpejtë dhe me rezultate optimale, por sipas saj kushdo tjetër që përpiqet që këtë mbështetje të shtetit ta shfrytëzojë, do të përballet me organet ligjzbatuese.
“Synimi ynë në këtë fazë transitore të cilën prej më shumë se 7 vitesh është duke i shkaktuar pacientëve dhe vet sistemit shëndetësor dhe praktikisht dhe buxhetit të shtetit që ta transferojmë këtë mbështetje të shtetit për pacientet në sistem efektiv dhe efikas. Çdokush që ka nevojë trajtim jashtë institucioneve tona duhet ta marr atë shpejt dhe me rezultate optimale. Kushdo që do të përpiqet që këtë mbështetje të shtetit duke shfrytëzuar këtë mundësi, do të përballet me masa nga ana jonë dhe nga organet ligjzbatuese”, theksoi ajo. /teve1.info/
