Kryeministri i Kosovës, Albin Kurti në fjalimin e tij në seancën e Kuvendit të Kosovës ku po shqyrtohet në lexim të parë projektligji për plotësim-ndryshim të Dhomave të Specializuara, ka thënë se për UÇK-në nuk mund të ketë gjyq.
Ai ka thënë se nisma është e ngutshme dhe jo analizuar.
Kurti ka thënë se zemërimi i qytetarëve ndaj gjykatë është i drejtë sikurse në vitin 2015.
“Përgjegjësinë për Gjykatën Speciale e kanë ata që e kanë miratuar, ne ishim kundër por nuk e kishim mbështetjen e juaj. Por, ne sot ju mbështesim. Nuk jemi të bindur për dobinë e këtij ligji”, tha Kurti.
Ai ka thënë se adresa e fitores është Apeli, ku sipas tij aty duhet organizim shtetëror.
“Për fitore nevojitet, organizim e strategji të cilat duhet të jetë shtetërore dhe kombëtare. Ndryshimet pozitive kërkojnë fuqi. Ne po e mbështesim këtë projektligj që pas zgjedhjes së presidenti të ulemi për strategji kombëtare për të na nxjerrë fitimtar. Duhet ligj për Gjykatën në Hagë por edhe president për Kosovën”, tha Kurti.
