Sipas informacioneve nga terreni, autokolona e presidentes së Komisionit Evropian, Ursula von der Leyen, është detyruar të kalojë nëpër ara dhe rrugë të pashtruara në Harilaq, pasi daljet rrugore nga Aeroporti Ndërkombëtar i Prishtinës “Adem Jashari” janë bllokuar nga protestuesit.
Qytetarët e mbledhur në disa pika pranë aeroportit po kundërshtojnë aktgjykimin e Gjykatës Speciale ndaj ish-krerëve të UÇK-së.
Sipas të njëjtave informacione, bllokimet kanë pamundësuar daljen e autokolonës nëpër rrugët e zakonshme, duke e detyruar të ndjekë një itinerar alternativ përmes Harilaqit.
Vizita e von der Leyen vjen në ditën kur në Prishtinë është paralajmëruar protesta madhështore “Jo në emrin tim”, e cila mbahet sot, nga ora 16:00, në sheshin “Skënderbeu”, kundër aktgjykimit të Gjykatës Speciale ndaj ish-krerëve të UÇK-së.
