Të martën thirrën konferencë për media.
E para gazetarëve, deputeti i PDK-së, i renditi prioritetet politike të partisë më të madhe opozitare në vend.
Sipas Grudës, projektligji për plotësim/ndryshimin e ligjit për Dhomat e Specializuara, vije para çështjes së presidentit.
“Ky ligj, më lejoni të shpjegoj, nuk prish asnjë detyrim ndërkombëtar që Kosova ka marrë me amendamentin kushtetues për themelimin e dhomave të specializuara, me marrëveshjen që kemi me bashkimin evropian përmes shkëmbimit të letrave të ratifikuara në kuvend, dhe as marrëveshjen që kemi me Holandën. Të tria këto dokumente kanë themeluar gjykatën speciale me qëllimin thjesht, thelbësor për të hetuar trafikimin e organeve”, u shpreh Gruda.
Gruda tha se projektligji është hartuar me ekspertizë dhe se ndryshimet duhet të diskutohen në Kuvend.
“Ligji është hartuar me një ekspertizë të lartë të njerëzve që kanë punuar në partinë demokratike të Kosovës, jashtë partisë demokratike të Kosovës. Sigurisht që kjo nuk do të thotë që nuk jemi të hapur për të dëgjuar opinione të tjera për ta përmirësuar cilësinë e ligjit, por atë do ta bëjmë në Kuvend”, tha ai.
Ndërkaq, shefi i grupit parlamentar të PDK-së, Arian Tahiri, tha se çështja e presidentit nuk duhet të lidhet me Specialen.
“Çështja e presidentit është çështje e konsensusit politik. PDK ka qenë e angazhuar me i shmang zgjedhjet, nuk duhet me bë situata e inskenime që me prodhuar zgjedhje pas zgjedhjeve, jemi duke e dëmtuar shtetin, lodh qytetarët e Kosovës. duhet mu ndal dramat dhe me ju qas me përgjegjësi këtij procesi, por për Partinë Demokratike të Kosovës, kryefjalë është ligji për specialen”, u shpreh Tahiri.
Ndryshe, PDK-ja ka kërkuar që kuvendi ta trajtojë projektligjin para çdo mundësie për shpërndarjen e tij.
