Qelaj bëri të ditur se tanimë në Kuvend kanë dorëzuar një raport ku pasqyrohet gjendja reale e të paraburgosurve në Hagë.
“Pas kësaj vizite kemi dalë me një raport, e kemi dorëzuar në Kuvend dhe po presim të shqyrtohet. Në atë raport kemi pasqyruar gjendjen reale të asaj çfarë kemi parë në Hagë si dhe shqetësimet që janë ngritur nga ana e të akuzuarve. Shqetësimi kryesor ka qenë mungesa e një mjeti efikas juridik ku vërehet dyshkallshmëria e gjykatës. Mirëpo, shqetësimi më i madh që kanë shprehur të burgosurit, është fakti i reduktimit të dokumenteve, zvarritjen e procedurës, pastaj edhe problemet me gjuhën me mënyrën se si po bëhet përkthimi. Pra, këto probleme janë me të vërtetë shqetësuese”, tha Qelaj i ftuar në emisionin “Ditari”.
Gjithashtu, Qelaj tha se atje ka takuar të gjithë të paraburgosurit, përveç Salih Mustafës për të cilin ka pasur një masë ndalimi.
