Qelaj në Tëvë1 tha se shqetësimet dhe ankesat më të mëdha vijnë nga personat me aftësi të kufizuara.
“Deri më tani ka kaluar shifrën e 700 ankesave, por jo vetëm këto. Ne kemi marrë shumë ankesa edhe nga takimet direkte që kemi pasë me qytetarë. Janë paraqitur shumë shqetësime. Ju e dini që ky vit nga Qeveria dhe institucionet tjera është shpallur vit i personave me aftësi të kufizuara. Ne kemi mbajtë dikun 9 takime me persona me aftësi të kufizuara, me organizata që i mbrojnë interesat dhe të drejtat e këtij komuniteti janë adresuar shumë shqetësime, shumë tema që ne duhet t’i trajtojmë në të ardhmen”, tha ai.
Qelaj theksoi edhe diskriminimet që i bëhen këtij komuniteti, duke filluar nga shoqëria e deri te qasja e institucioneve.
“Duke filluar prej situatës dhe gjendjes në përgjithësi që e kanë në shoqëri, pastaj diskriminimi që ju bëhet nga institucionet me rastin e aplikimit për njohjen e të drejtës dhe benefiteve që iu takojnë mospërfshirja dhe rregullimi i krejt problemeve që i kanë me ligj, trajtimi dhe qasja jo e dinjitetshme që ju bëhet atyre personave nga komisionet që vlerësojnë aftësinë e tyre në fakt invaliditetin e tyre por edhe aspekte të tjera që ndërlidhen me problemet e tyre “, shtoi ai./teve1.info./
