Në raportin 24-orësh të Policisë së Kosovës bëhet e ditur se dy persona janë gjetur të vdekur në Gjilan.
Sipas njoftimit të Policisë, njëri prej tyre është gjetur pa shenja jete në shtëpinë e tij, në fshatin Ranillug të Gjilanit.
Lidhur me rastin, Policia ka njoftuar se vdekja e tij është konstatuar nga ekipi mjekësor. Me vendim të prokurorit, trupi i pajetë është dërguar në Institutin e Mjekësisë Ligjore (IML) për obduksion.
Rasti i dytë ka ndodhur po ashtu në Gjilan, ku familjarët e kanë gjetur viktimën pa shenja jete.
Edhe në këtë rast, ekipi mjekësor ka konstatuar vdekjen e viktimës, ndërsa me vendim të prokurorit, trupi i pajetë është dërguar në IML për obduksion.
Policia ka nisur hetimet për të ndriçuar rrethanat e këtyre dy rasteve.
