Sipas tij, me hapjen e këtyre negociatave do të përfitojë edhe Kosova.
“Edhe Kosova sigurisht që do të përfitojë. Vet fakti që tash Kosovës i jipet e drejta të aplikojë në Këshillin e Evropës përderisa deri dje as që bëhej fjalë, është një shenjë pozitive drejtë ndërkombëtarizimit të Kosovës. Pastaj çështja e liberalizimit të vizave asnjëherë nuk është folur më shumë sesa tash. Kemi hapa pozitiv nëse e shohim Parlamentin e Holandës që i jep dritën e gjelbërt liberalizmit të vizave për Kosovën, është një hap jashtëzakonisht i madh që i jep shansë megjithatë procesit të integrimit evropian”, tha Hoti.
Pavarësisht që sipas tij, Kosova ka probleme me Serbinë ai tha se procesi i dialogut është hap i paanashkalueshëm.
“Sigurisht se Kosova i ka problemet e veta me Serbinë dhe procesi i dialogut është një hap i pa anashkalueshëm ta them ashtu, i cili sa ma shumë që po shtyhet aq më shumë po rritet në rëndësi dhe ne duhet t’i çasemi konstruktivisht këtij dialogu në mënyrë që ta zhbllokojmë këtë proces, të na njohin vendet e BE-së dhe të ecim tutje sikurse vendet e rajonit”, shtoi ai./teve1.info./
