Kompania Rajonale e Ujësjellësit “Prishtina” ka intensifikuar kontrollet në terren për identifikimin e konsumatorëve me borxhe dhe të kyçjeve ilegale në rrjetin e ujësjellësit.
Sipas njoftimit të kompanisë, ekipet e inspektimit do të zhvillojnë kontrolle në zona të ndryshme të Podujevës, me fokus te konsumatorët që kanë obligime të papaguara dhe ndërhyrjet e paautorizuara në rrjet.
Konsumatorët me borxhe janë këshilluar që t’i shlyejnë obligimet e tyre, në mënyrë që të shmangin ndërprerjen e furnizimit me ujë dhe masat e tjera të parapara.
Ndërkaq, nga ujësjellësi kanë rikujtuar se çdo ndërhyrje apo kyçje e paautorizuar në rrjet është e kundërligjshme dhe mund të pasohet me masa përkatëse.
Kompania ka apeluar te konsumatorët që të respektojnë rregullat dhe obligimet e tyre për shërbimin e furnizimit me ujë./teve1.info/
