Pushimi i Antonio Contes mund të përfundoj më herët nga sa pritej, pasi Manchester Unitedi po e konsideron angazhimin e trajnerit italian.
Raportohet se Conte po shihet si trajneri i duhur për ta zëvendësuar Michael Carrikun në krye të Unitedit pas startit të dobët të ekipit anglez.
Manchester Unitedi ka tubuar vetëm katër pikë pas katër ndeshjeve të luajtura deri më tani në Premier League dhe drejtuesit e klubit pritet të bëjnë ndryshime në shtabin teknik.
Conte është i papunë prej muajit maj kur u largua nga Napoli, ndërsa futbollin në Angli e njeh pasi ka punuar te Chelsea e Tottenhami, si dhe ka fituar trofe.
Carrick pritet të shkarkohet edhe pse ka kontratë deri në vitin 2029, me Conten që pritet ta zë vendin e tij si trajner i Manchester Unitedit.
Megjithatë, Conte po shihet edhe si kandidat serioz për ta zëvendësuar Luciano Spallettin te Juventusi, pasi drejtuesit e klubit italian nuk janë të kënaqur me startin e sezonit.
