Kryetari i Prishtinës, Përparim Rama, ka reaguar për vdekjen e Flora Brovinës.
Ai në një postim në rrjetin e tij social në facebook, ka thënë ajo ishte një grua që jetën ua kushtoi njerëzve , lirisë dhe vendit.
“Sot u nda nga jeta të Flora Brovina, një grua që jetën e saj ia kushtoi njerëzve, lirisë dhe vendit të saj. Mjeke, poete, aktiviste dhe një zë i fuqishëm i Kosovës, Flora Brovina mbetet pjesë e historisë sonë dhe e kujtesës sonë kolektive. Ngushëllimet më të sinqerta familjes Brovina dhe Begu, miqve, bashkëpunëtorëve dhe të gjithë atyre që patën privilegjin ta njohin”, shkroi Rama.
