Irani dhe Emiratet e Bashkuara Arabe ranë dakord të forcojnë lidhjet dypalëshe dhe të zgjerojnë bashkëpunimin, tha të dielën presidenti iranian Masoud Pezeshkian.
Ai i bëri këto komente në Nju Delhi pas takimit me Princin e Kurorës së Abu Dhabit, Khaled bin Mohamed bin Zayed Al Nahyan, në kuadër të Samitit të BRICS, shkruan Anadolu.
“Ne ramë dakord të shkojmë përtej të kaluarës dhe të shikojmë drejt së ardhmes”, tha Pezeshkian, duke shtuar se të dyja palët kërkonin një mirëkuptim të përbashkët mbi ndërtimin e bashkëpunimit në të ardhmen.
Të dy udhëheqësit diskutuan gjithashtu zhvillimet rajonale dhe përpjekjet për të ulur tensionet dhe për të forcuar stabilitetin në rajon.
Takimi i tyre erdhi në mes të konfliktit të vazhdueshëm SHBA-Iran, i cili filloi në shkurt me sulme amerikane dhe izraelite ndaj Iranit dhe ka përfshirë sulme ndaj infrastrukturës ushtarake, energjetike dhe ekonomike iraniane, si dhe sulme hakmarrëse iraniane në të gjithë rajonin.
