Sipas tij, këto aktivitete të dhunës mund të organizohen me qëllim që të përdoren politikisht.
“Ekziston dyshime se strukturat e sigurisë së Serbisë dhe Rusisë, përkatësisht njësitet e tyre të inteligjencës që veprojnë në Kosovë mund të organizojnë aktivitete të dhunës në territore të tjera, në enklava serbe, jo në veriun e Kosovës në mënyrë që ato raste të përdoren pasta për çështje politike”, u shpreh Elezi në emisionin Ditari me Flaka Zogun në Tëvë1.
Elezi më tutje tha se këto informacione kanë ardhur edhe nga burime ndërkombëtare.
“Dyshimet janë, sipas informacioneve të ditëve të fundit që i kemi diskutuar me disa miq edhe ndërkombëtarë, ka një rrjedh të informacionit. Mund të jetë edhe e magnetuar kjo sepse e dimë që ka edhe kundërzbulim në raste të tilla. Ka dyshime se këto dy struktura po mundohen të organizojnë një aktivitet dhune në një nga enklavat në Kosovë dhe të afektojë kjo në shtimin e frikës dhe besimin te serbët se ata janë të rrezikuar nga qytetarët e Kosovës”, theksoi Elezi. /teve1.info/
