Maliqi gjatë intervistës në emisionin “ResPublika” deklaroi e se Kosova në njëfarë forme po e përjashton vetën nga Ballkani i Hapur.
Ai thekson se me Kosovën në ”Open Ballkan”, shqiptarët do të ishin kombi i dytë në rajon.
“Kosova në njëfarë forme po e përjashton vetën nga ky proces…Kërkesa është absolutisht legjitime madje na jep një mundësi të kushtëzimit të Serbisë, pra nëse Kosova ka kushte atëherë aty është tavolina ku ato kushte mund t’i parashtroj se në atë tavolinë Kosova nuk është e vetme përballë Serbisë, ka Shqipërinë, Maqedoninë, dhe Malin e Zi, shtete që kanë interes nga konsolidimi i shtetësisë së Kosovës. Pra edhe kjo frika nga mbisundimi prej Serbisë në një kornizë rajonale, sado që është e kuptueshme nga perspektiva historike prej nga vijnë nga përvoja e Jugosllavisë. Megjithatë duke pak e tepruar nga fakti që në këtë konstalacion rajonal, shqiptarët do të jenë Kombi i dytë më i madh në rajon, por ka edhe elemente tjera si Mali i Zi dhe Bosnja ku nuk janë të gjithë faktorët aty pro serbë, kështu që mendoj që problemi kryesor duke mos e anashkaluar rreziqe ose problemet e një nisme rajonale”, tha ai.
Tutje Maliqi tha se Ballkani i Hapur është e njëjta ide me Procesin e Berlinit.
“Ballkani i Hapur është në thelb është tregu i përbashkët rajonal i Procesit të Berlinit, është e njëjta ide. Ato shtete që kanë arritur marrëveshje deri tani janë pak a shumë të njëjtat ide që janë pjesë e Procesit të Berlinit, thjeshtë Ballkani i Hapur është nismë e shteteve që dëshirojnë ta përshpejtojnë këtë integrim rajonal, për prioritete ekonomike por edhe politike”, tha Maliqi./Teve1.info/
