Në një lidhje direkte në emisionin “Ditari” në Tëvë 1, Hajdari thotë se me moslejimin e kësaj vizite ata u gjendën para një situate jo të këndshme përballë studentëve.
“Ne thjesht u gjendëm para një situate jo të këndshme dhe në mënyrë që me vazhdu vizitën mos me pengu mos me u qit një hije e zezë para studentëve ishim të gatshëm më kalu çfarëdo procesi të verifikimit përderisa policia ishte prezente. Situata nuk do të duhej të ishte aty së pari sepse ua kam thënë edhe protestuesve edhe Policisë që grupi jonë nuk është ai që pretendohej por kishte individë që s’donin ta kuptonin thjesht ishin të frustruar në ato momente tentova t’i kuptoj emocionet e tyre pavarësisht se nuk i mbështesë ajo që ishte vërtetë se grupi jonë përbëhej nga studentë ndërkombëtarë, asnjë nga rajoni”, deklaroi ai.
Sipas tij, situata ishte shqetësuese për faktin se gjatë gjithë kohës së vizitës në Mitrovicë, u kishin bërë thirrje studentëve që mos të kalojnë në pjesën veriore për t’u shmangur ndonjë provokimi eventual, teksa kjo ndodhi në Prekaz.
“Ishte shqetësusese situata që u krijua jo se një individ u fut me Policinë. Pra shqetësuese ishte për faktin se u kriju një frymë e tillë dhe nuk dinin as ata se çka po ndodhte sikur nuk e dija as unë deri kur e kuptova pse është ky grup. Në anën tjetër për ne ishte shqetësuese mënyra të arsyetonim gjithë këtë hallakamë po e them këtë sepse gjatë gjithë kohës në Mitrovicë këshillonim studentët tanë të mos kalojnë përtej Ibrit për shkak të ndonjë eksesi ose provokimi eventual megjithatë fatkeqësisht na ndodhi të pengohemi në Prekaz. Nuk do të thotë se jam duke ngreh paralele, duke krahasuar ku ta di unë lavdata për dikë, megjithatë Policia e ka bërë detyrën e vet si mos të ishte për shkak të këtij keqkuptimi do ta kishte pësuar dikush”, shtoi ai.
Madje, organizatori thotë se në njëfar forme e mirëkuptuan shqetësimin e protestuesve për faktin se gjatë gjithë kohës kanë mësuar rreth historisë së Kosovës dhe familjes Jashari, duke thënë se iu kishte shtuar kurioziteti më shumë për të vizituar kompleksin memorial.
“Në fakt studentët kanë mësuar shumë nga ligjërues të ndryshëm për historinë e Kosovës dhe i kuptojnë plagët e hapura të vendit tonë. Sigurisht për ta madje u është rrit kurioziteti më tepër ta vizitojnë Prekazin për me pa se çka është historia e Prekazit për faktin që u ndaluan aty u është rrit kurioziteti e mirëkuptuan situatën sepse u a shpjeguam ashtu siç ishte nuk kishim çka të fshehim megjithatë reagimi i tyre ishte më shumë të publikimeve të mediave të cilat fatkeqësisht iu nënshtruan atij presioni publik të individëve përmes postimeve dhe disa media u bën pjesë të këtij keqkuptimi për të korrigju gabimin e tyre për çka jam mirënjohës”, përfundoi ai./teve1.info/
