Këto objekte të pazakonta, u gjetën sot në podrumin ish shkollën teknike në komunën e Obiliqit.
Dyshimet e para janë se në këtë vend të braktisur, u tentua kultivimi i substancave narkotike.
Kjo alarmoi organet e rendit, që dolën në vendngjarje për t’i kryer ekzaminimet e para.
“Ekipet përkatëse lidhur me dyshimet e pretendime do dalin me nje konstatim nuk ka përfundu hala gjurmimi dhe ekzaminimi i vendit të ngjarjes. 00:28 Nuk mund të ju them asgjë së për çka ka dyshime konkrete”, tha Faton Hashani, hetues i krimeve të rënda.
Më shumë detaje për atë që u gjet këtu, dha kryetari i Obliqit, Halil Thaçi.
“Sipas policëve dhe antidrogës shihet që është tentim i një kultivimi të disa substancave narkotike, por nuk dihet çfarë substanca, siç më tha eprori i policisë. Mirëpo, sido që të jetë, prokuroria edhe policia këtë punë e kanë në dorë dhe ato merren me rastin. Ndërsa sa i përket varrezës masive, unë nuk pashë, apo edhe policia qysh ma ka konfirmuar, nuk ka ndonjë dyshim për momentin”, potencoi Halil Thaçi.
Thaçi tregoi që po në këtë vend muaj më parë u gjet edhe një autoambulancë.
“Para dy muajve ne kemi hasur në një ambulancë të fshehur nga strukturat paralele serbe, për të cilën ne kemi njoftuar edhe policinë edhe prokurorin e shtetit. Dhe natyrisht që dje kemi hasur në disa gjëra sende shumë të dyshimta për ne, që punëtorët tanë të ndërmarrjes NPL Kastrioti nuk kanë mundur të vazhdojnë punën pa e njoftuar policinë që të merret me këto gjëra”, pohoi ai.
E objekti i braktisur, shërben edhe si vendbanim për dy familje.
Këtë e konfirmoi kryesuesi i Kuvendit komunal të Obiliqit, Sami Ahmeti.
“Në këtë objekt që nga vitet e 90ta kur ka qenë pushteti serb ka qitë nxënësat shqiptarë nga kjo shkollë, dhe që nga atëherë në këtë shkollë kanë banuar disa familje që janë sjellë refugjatë nga zona të ndryshme të luftrave që kanë qenë në ish jugosllavi. Kjo zonë ka qenë e paqasshme për qytetarët për institucionet dhe për çdo qytetarë për arsye së është mbajtur mbyllur pikërisht nga struktura paralele serbe. E pas marrjesë se mandatit tonë ne kemi marr procedurat për kthimin e këtij objekti”, tha Ahmeti.
Gjatë ditës së nesërme do të bëhet intervistomi i dy familjeve që jetonin këtu.
Ndryshe nga ky objekt nxënësit shqiptarë ishin dëbuar në vitin 1990.
Kryetari Thaçi tregoi se tek në janar të këtij viti kjo pronë është liruar nga uzurpimi, prandaj komuna e Obiliqit e ka marrë përgjegjësinë për përkujdesje ndaj tij.
