Përmes një postimi në Facebook, Haxhiu u shpreh se sa herë që procedohet Projektligji për Trustin në Kuvend, ekzekutivi del me propozime pa efekt në tejkalimin e krizës ekonomike.
“Qeveri hipokritësh që paaftësinë mundohen ta shesin si vlerë. Sa herë që po procedohet Projektligji për Trustin në Kuvend, Qeveria del me propozime pa efekt në tejkalimin të krizës ekonomike. Në periudhën kur e kam dorëzuar Projektligjin për Trustin, kryeministri Kurti me urgjencë ndau 100 euro lemoshë për qytetarët. Tani kur Iniciativa Qytetare për tërheqjen e deri 30% të Trustit mori mbështetje të madhe, iniciatoret dhe vullnetarët e peticionit për Trustin dorëzuan 21 mijë e 398 nënshkrime për ta riproceduar Projektligjin për Trustin në Kuvend, kryeministri paska dalë me një propozim të ri”, shkroi ndër tjerash ai.
Sipas tij, asnjë Qeveri paraprake nuk ka pasur kaq pak punë e kaq shumë korrupsion e nepotizëm sikurse Qeveria aktuale.
“A duhet Trusti dhe qytetarët ta aktivizojën Qeverinë, apo Qeveria duhet të jetë aktive në shërbim të qytetarëve?! Qeveri që legjitimon paaftësinë, nepotizmin dhe mbron të korruptuarit, kaq pak punë kaq shumë korrupsion e nepotizëm për një vit e gjysmë nuk ka pas në asnjë Qeveri deri më sot”, thuhet në postimin e Haxhiut./teve1.info/
