Anëtarja e kryesisë së Lëvizjes Vetëvendosje, Arbërie Nagavci, e ka vlerësuar si zhvillim të rëndësishëm politik dhe institucional marrëveshjen e arritur mes LVV-së dhe Lidhjes Demokratike të Kosovës për kandidaturën e Bekim Sejdiut për President të Republikës së Kosovës.
Nagavci ka shkruar në Facebook, se negociatat nuk kanë qenë të lehta, por marrëveshja e arritur është një lajm i mirë për Kosovën.
Sipas saj, për herë të parë është arritur një marrëveshje për një emër konsensual, që dëshmon se kompromisi dhe përgjegjësia institucionale janë të mundshme kur interesi i vendit vendoset mbi interesat partiake.
“Për herë të parë kemi një marrëveshje për një emër konsensual, që dëshmon se, pavarësisht dallimeve politike dhe negociatave jo gjithmonë të lehta, kompromisi dhe përgjegjësia institucionale janë të mundshme kur interesi i vendit vendoset mbi interesat partiake”, ka shkruar Nagavci.
Lexo po ashtuRriten rastet e fëmijëve nën 14 vjeç që bie ndesh me ligjinAjo ka theksuar se në këtë fazë më e rëndësishmja është që Kosova të ketë sa më shpejt institucione funksionale dhe legjitime, duke shpresuar që procesi për zgjedhjen e Presidentit të përmbyllet me sukses.
Nagavci e ka cilësuar Bekim Sejdiun si figurë të respektuar, duke thënë se ai mund të përfaqësojë një pikë takimi përtej ndarjeve politike.
Ajo ka shprehur shpresën se marrëveshja mes dy partive do të shërbejë si hap drejt tejkalimit të ngërçit institucional dhe se procesi do të përmbyllet sa më shpejt, në të mirë të Kosovës dhe qytetarëve.
“Uroj që kjo marrëveshje të jetë një hap drejt tejkalimit të ngërçit institucional dhe që procesi të përmbyllet sa më shpejt, në të mirë të Kosovës dhe qytetarëve të saj”, ka deklaruar Nagavci.
