Një mërzi e madhe e ka kapluar.
24 orë më parë, Xhafer Jashari humbi kolegun e tij.
Arbenit Ahmeti, punonjës në Kooporatën Energjetike të Kosovës vdiq të enjten, gjersa ishte në vendin e punës.
Në kohën kur ishte duke zhvendosur disa kabllo, atë e zuri rryma.
32-vjeçarin, Jashari e kujton si punëtor të zotin.
“Arbenitin e kam njohur prej kur është hi në punë. Një djalë punëtor, një djalë i sjellshëm, një djalë që asnjëherë nuk ka mundur askush me përshëndet i parë, pasi që ai e ka përshëndet. Përveç se ishte familjar i mirë, ishte profesionist i mirë. Asnjëherë nuk ke mundur me hidhëru atë djalë, asnjëherë nuk e ka kthyer urdhëresën vetëm ka thanë po edhe e ka kryer punën me nder ashtu siç duhet. Me të vërtetë ishte një prej punëtorëve më të dalluar në Korporatën Energjetike të Kosovës”, thotë kryetari i Sindikatës së punëtorëve në KEK, Xhafer Jashari.
Kryetari i Sindikatës së punëtorëve në KEK thotë se rastet e fundit fatale, bënë që të ngrisin edhe njëherë shqetësimet për sigurinë në vendin e punës.
“…. Këto po ndodhin për shkak të mungesës së pajisjeve, mosorganizimit të mirëfilltë të punëve operative në teren. Po të kishte një organizim të mirëfilltë, një komandë të mirëfilltë unë besoj që sot Arbenitin e kishim në mesin tonë…punët duhet të kryhen ashtu siç janë të parapara, me një rregull të operimit, jo ngutu, se kemi shpeshherë raste kur një menaxher thotë ngutuni se po na shkarkojnë që nuk po kryhen punët shpejtë”, thotë Jashari.
Brenda këtij viti, gjersa ishin duke punuar në ambientet e Koorporatës, katër persona humbën jetën.
Pas rastit të fundit të 20 gushtit, KEK-u njoftoi se do të formojë një Task Forcë për Sigurinë dhe shëndetin në punë.
Përkundër që të martën u dakorduan që t’ia propozojnë njëra tjetrës disa emra konsensual për President, Lëvizja Vetëvendosje dhe Lidhja Demokratike e Kosovës, akoma nuk kanë realizuar ndonjë takim të ri. Sipas analistëve, të dy partitë do të duhej t’i përshpejtonin takimet.
