Sipas tij, mundësia e parë është që “të rritet paga minimale e veteranëve t’iu bëhen pagesat me ligjin që është në fuqi e që lidhet me pagën minimale në Kosovë, me anë të të cilit me vite të tëra janë diskriminuar me mijëra veteranë që punojnë duke mos përfituar asnjë cent, e ta luftojë sa më shumë ekonominë informale”;
Si mundësi të dytë, Klinaku shkroi se: “Ta bëjë kategorizimin, (nëse mund t’i merr dosjet nga prokuroria për shkak se lënda është në gjykatë), ku pasi do të përfundonte ai kategorizim do të futej ligji tjetër në fuqi, me anë të të cilit përveç veteranëve të papunë që do ta merrnin beneficionin e plotë sipas kategorizimit, parashihet që të paguhen 50% të beneficionit edhe ata që punojnë”.
Ndërsa si mundësi të tretë, ai ka thënë se qeveria “të iniciojë (së bashku me ne) ligj të ri, që i heq kufizimet e të kenë të drejtën të gjithë veteranët që të punojnë dhe përfitojnë, dhe me këtë luftohet komplet ekonomia informale”.
Ndryshe, organizatat e dala nga lufta e UÇK-së kanë shprehur pakënaqësinë e tyre që në projektligjin që parasheh rritjen e pagës minimale nuk është ëprfshirë edhe rritja e benficionit të tyre. Ndërsa pozita këmbëngul se lidhaj mes pagës minimale dhe beneficionit ka kohë që është shkëputur./KP