Arbenit Ahmeti, punëtor në Korporaten Energjetike të Kosovës(KEK), ka humbur jetën sot gjatë kryerjes së orarit të punës.
Sipas një njoftimi të KEK-ut gjatë angazhimit në transportin dhe zhvendosjen e kabllove 6 kV, ai ka rënë në kontakt me tensionin elektrik dhe ka pësuar lëndime të rënda.
Lidhur me rastin KEK ka bërë të ditur se punonjësi është dërguar për trajtim mjekësor por nuk ka arritur t’u mbijetojë plagëve të marra.
“Menjëherë pas ngjarjes janë ndërmarrë veprimet emergjente dhe punonjësi është dërguar për trajtim mjekësor në Ambulancën e Obiliqit. Pavarësisht përpjekjeve të stafit mjekësor, fatkeqësisht ai nuk ka arritur t’u mbijetojë lëndimeve të marra”, thuhet në njoftimin e KEK-ut
Me tej, në njoftim thuhet se organet kompetente janë duke e trajtuar rastin dhe rrethanat e aksidentit.
