Përmes një njoftimi për media, policia bën të ditur se lidhur me rastin është arrestuar një i dyshuar me inicialet V.Z., 21-vjeçar.
“Të gjitha njësitë relevante policore duke përfshirë, patrullën, hetuesit dhe njësinë e Forenzikës kanë dal në vendin e ngjarjes dhe pas një pune intensive operative – hetimore kanë arritur të identifikojnë dhe arrestojnë të dyshuarin, V.Z (2001)”, thuhet në njoftimin e policisë.
Policia njofton se të njëjtit fillimisht i është dhënë ndihma mjekësore për shkak të lëndimeve që kishte në dorë, e më pas është intervistuar në prezencë të avokatit mbrojtës.
Po ashtu në vendngjarje thuhet se është gjetur dhe sekuestruar një armë AK-47 dhe një gëzhojë.
“Bazuar në hetimet e deritanishme dyshohet se rasti ka ndodhur për shkak të një ngatërrese të mëhershme, ku dyshohet se ka filluar si konflikt verbal dhe më pas ka përfunduar me përdorim të armëve. Personi i lënduar, në këtë rast i dyshuari, E.B. (2002) nuk është intervistuar ende për shkak se është në trajtim mjekësor”.
Ndër të tjera thuhet se me vendim të prokurorisë kompetente, ndaj dyshuarve është shqiptuar masa e ndalimit policor për 48 orë.
“Njësitë policore në Prizren janë duke kryer kërkimet për gjetjen e armës së ftohtë (thikë) si dhe ekzaminime tjera forenzike për të siguruar prova tjera materiale për sqarimin e plotë të rrethanave të rastit”, përfundon njoftimi.
