Ushtruesja e detyrës së Presidentes së Kosovës, Albulena Haxhiu, ka pritur në takim ambasadorin e Mbretërisë së Bashkuar në Kosovë, Jonathan Hargreaves, me të cilin, sipas njoftimit të Presidencës, ka diskutuar për nevojën e dialogut politik dhe përpjekjet për të dalë nga ngërçi institucional.
Haxhiu në takim, sipas njoftimit të presidencës, vlersoi mbështetjen e Mbretërisë së Bashkuar për Kosovën.
“Në takim u diskutua për nevojën e dialogut politik dhe për përpjekjet për të gjetur një rrugëdalje nga ngërçi aktual institucional, me qëllim që institucionet të formohen sa më parë dhe vendi të ecë përpara në përputhje me rendin kushtetues. U.D. Presidentja Haxhiu vlerësoi gjithashtu mbështetjen e vazhdueshme të Mbretërisë së Bashkuar për Kosovën dhe rolin e saj si partner i rëndësishëm i vendit tonë”, thuhet në njoftimin e Presidencës.
