Një grua ka raportuar në Polici se një person i panjohur i kishte grabitur një zinxhir ari nga qafa, në derën e një ashensori.
Sipas Policisë së Kosovës, pas grabitjes, i dyshuari ishte larguar nga vendi i ngjarjes me një veturë me targa vendore.
Viktima nuk ka pësuar lëndime, por për shkak të shqetësimit ka pranuar tretman mjekësor.
Pas hetimeve të zhvilluara, Policia ka arritur ta lokalizojë dhe arrestojë të dyshuarin, një mashkull kosovar.
Me vendim të prokurorit, i dyshuari është dërguar në mbajtje, ndërsa rasti po hetohet nga organet kompetente.
“Viktima femër kosovare ka raportuar se një i dyshuar i panjohur në derë të ashensorit ia ka grabitur nga qafa një zinxhir ari. I dyshuari ka ikur me veturë me targa vendore. Viktima nuk ka pësuar lëndime por ka pranuar tretman mjekësor pasi ishte e shqetësuar. Pas hetimeve të zhvilluara i dyshuari mashkull kosovar është lokalizuar dhe arrestuar dhe i njëjti me vendim të prokurorit është dërguar në mbajtje”, thuhet në raportin policor./teve1.info/
