Profesori Ibrahim Berisha ka reaguar pasi emri i tij u përfol si kandidat për president që po diskutohet mes Lëvizjes Vetëvendosje dhe Lidhjes Demokratike të Kosovës.
Berisha në një postim në Facebook, ka paralajmëruar se do ta refuzonte një propozim të tillë, duke thënë se do të vazhdojë të jetë i fokusuar në fushën e tij.
“Sot dolën ekzemplarët e parë të librit tim të ri, tri novela: “Rrëfimi i pendimit”. Komunikimi, kultura dhe letërsia kanë qenë dhe mbeten fokus i vetëm ku do të vazhdoj të përqendrohem”, ka shkruar ai në Facebook.
Kryeministri në detyrë dhe kryetari i LVV-së, Albin Kurti dhe ai i LDK-së, Lumir Abdixhiku e kanë vlerësuar konstruktiv takimin e zhvilluar për presidentin, ku siç thanë ata është shprehur vullnet që të arrihet një marrëveshje.
