Fluks i shtuar i automjeteve është raportuar në disa pika të kalimit kufitar të Kosovës, ndërsa pritjet më të gjata janë regjistruar në dalje të vendit,
Sipas të dhënave të fundit për qarkullimin kufitar, në pikën e Dheut të Bardhë pritjet në hyrje janë 5 deri në 10 minuta, ndërsa në dalje arrijnë deri në 30 minuta.
Në Merdarë, qytetarët po përballen me pritje prej 10 deri në 15 minutash, si në hyrje ashtu edhe në dalje. Ndërkohë, në Mutivodë pritjet në hyrje janë 3 deri në 5 minuta, ndërsa në dalje 5 deri në 10 minuta.
Në pikat tjera kufitare, qarkullimi paraqitet më i lehtë, shkruan Sinjali ku në Bërnjak, Jarinjë dhe Qafë të Morinës pritjet janë kryesisht 2 deri në 5 minuta, ndërsa në Glloboqicë rreth 5 minuta.
