Një punëtor i KEK-u është lënduar rëndë si pasojë e një aksidenti në Divizionin e Prodhimit të Qymyrit
Lajmi është bërë i ditur nga Korporata Energjetike e Kosovës.
“KEK-u konfirmon se sot, në Divizionin e Prodhimit të Qymyrit, ka ndodhur një aksident i rëndë në punë, me ç’rast një punonjës ka pësuar lëndime të rënda. Menjëherë pas ngjarjes janë njoftuar Policia e Kosovës dhe ekipet e ndihmës së shpejtë, ndërsa njësitë përkatëse ndodhen në vendin e ngjarjes dhe po ndërmarrin veprimet e nevojshme”, thuhet nga KEK.
Nga Korporata ka thënë se në këtë fazë nuk mund të japi hollësi të tjera për rastin./teve1.info/
